مصطفى يونس يهاجم لاعبي الأهلي قبل مواجهة بالميراس البرازيلي في كأس العالم للأندية

وجه مصطفى يونس، نجم الأهلي السابق، هجومًا لاذعًا للاعبي الفريق الأول لكرة القدم بالنادي، وذلك قبل المباراة المرتقبة التي تجمع "الشياطين الحمر" بنظيرهم بالميراس البرازيلي في كأس العالم للأندية 2025.

يستعد النادي الأهلي لمواجهة بالميراس البرازيلي مساء غد الخميس، في تمام الساعة السابعة مساءً بتوقيت القاهرة، ضمن الجولة الثانية من مرحلة دور المجموعات بمونديال الأندية.

وفي تصريحات تلفزيونية عبر برنامج «اللعيب» مع مهيب عبد الهادي، قال مصطفى يونس: "مش متخيل لاعيبة كبار زي اللي عندنا ومش عارفين يوزعوا مجهودهم زي ما حصل في مباراة إنتر ميامي".

وانتقد يونس الاختيارات الفنية، مضيفًا: "وبالمناسبة الاختيارات كلها بتاعة عماد النحاس (يقصد الجهاز السابق)، المدرب الجديد (خوسيه ريبيرو) لسه جاي، ما يعرفش حتى أسماء اللاعيبة".

وتابع: "إحنا شعب بنقيم المدرب بالمكسب والخسارة. الحاجة الوحيدة اللي عملها جديدة المدرب والفكر الجديد على النادي أنه بدأ يلعب الجول (يقصد الاعتماد على حارس المرمى في بناء اللعب)، لأنه عايز يدي ثقة للخط اللي تحت. هي دي بس اللي عملها، الباقي كله عشوائي".

وأكمل نجم الأهلي السابق، مهاجمًا الأداء الفردي للاعبين: "لو جبنا (أحرزنا) شوطًا واثنين كان فرق مع اللاعيبة. إهدار الفرص خلى اللاعيبة تحبط، والأهم كل واحد عايز يقول أنا هو، ما بقاش فيه ماتش جماعي، ما فيش فرقة كورة بتلعب كدة. كل واحد عايز يقول أنا نجم، أنا أهو".

واختتم مصطفى يونس تصريحاته بتذكير اللاعبين بقيمة النادي: "على فكرة، الأهلي هو اللي بينجّم المدربين واللاعبين، وبينجّم أي حد منتمي له".